SÓLLAND

Úr dómnefndaráliti:
„Heildarskipulag er gott og umferðarkerfi um svæðið skilvirkt. Samspil skipulags svæðis og votlendis er sannfærandi þar sem votlendið teygir sig inn milli grafarhólma sem sjálfir eru formfastar og sjálfstæðar einingar. Kirkjugarðsklukkur í vatni eru einstaklega falleg hugmynd. Efnisval er vel útskýrt og tillagan er vel fram sett og vel unnin.“

Meginhugmynd kirkjugarðsins er útfærð sem eyjaklasi eða hólmar í votlendi umlukið skógi að byggðinni til suðurs og austurs og mýrlendi og holti að útivistarsvæðinu í Öskjuhlíðinni. Landslagsrýmið Sólland er ein heild þar sem fléttast saman kirkjugarður fyrir duftker og hverfisverndarsvæði.