Frístundahús vesturland

Staðsetning

Frístundahúsið er staðsett í afskekktum dal á suðvesturlandi á svæði sem einkennist af ósnortnum gróðri, þar á meðal birki, lyngi og grasi. Landslagið hallar létt til suðurs og liggur að stóru stöðuvatni. Umhverfið býður upp á stórkostlegt útsýni yfir vatnið og fjöllin.

Hugmynd og skipulag

Byggingin er skipulögð í kringum langa aðalálmu sem fylgir hæðarlínum lóðarinnar. Aðalálman er með flatt mosaklætt þak, sem fellur vel inn í umhverfið. Hornrétt á aðalálmuna rís hærra rými með hallandi sinkþaki. Frístandandi útihús hýsir gufubað og geymslu, einnig með sinkþaki. Húsið er klætt ómeðhöndlaðri lóðréttri lerkiklæðningu, sem er hönnuð til að veðrast náttúrulega með tímanum og falla að umhverfinu. Stofa og svefnherbergi snúa í suður að stórkostlegu útsýni yfir vatnið og fjöllin, en langur gangur aðalálmunnnar tengir saman öll rými. Meðfram norðurhlið gangsins er inngangur, baðherbergi og geymslur.

Útirými

Í ljósi hins óútreiknanlega íslenska veðurs var lögð sérstök áhersla á að skapar skjólgott útirými óháð vindátt, þannig að hægt sé að nota þau allan ársins hring. 

Innréttingar

Innveggir eru klæddir ómeðhöndluðum asparþiljum, sem gefa rýmum afslappaðan og náttúrulegan blæ. Gólf eru með steypuflísum og gólfhita, sem tryggir bæði þægindi og seiglu í norrænu loftslagi. Í loftum eru timburþil og hljóðeinangrandi teygjanlegt efni, sem gefur hlýleika og bætir hljóðvist.

Sjálfbærni og samþætting landslags

Notkun ómeðhöndlaðra náttúrulegra efna, mosaklætt þak og form sem fylgir landslaginu endurspeglar viðleitni til að lágmarka sjónræn áhrif á landslagið og skapa jafnframt heimili sem eldist fallega með umhverfi sínu.