Göngu- og hjólabrýr

Sérhlutar - handrið
Afstöðumynd
Samkeppnistillaga - ásýnd
Grunnmynd og útlit austurhvíslar
Á verkstað
Á verkstað
Samkeppnistillaga - ásýnd að kvöldlagi
Samkeppnistillaga - ásýnd
Tölvumynd - horft til vesturs frá austurbakkanum

Göngu- og hjólabrýr yfir Elliðaárósa, samkeppnistillaga
2012

1. verðlaun í tveggja þrepa samkeppni.

Göngu- og hjólabrýrnar hlutu Vörðuna 2014. Varðan er viðurkenning Vegagerðarinnar vegna hönnunar og frágangs vegamannvirkja og er veitt á þriggja ára fresti. Viðurkenninguna fyrir árin 2011-2013 hlutu Dettifossvegur og göngu- og hjólabrýr við Elliðaárvog.

Göngu- og hjólabrýr yfir Elliðaárósa eru tákn um breytta tíma með áherslu á sjálfbæran samgöngumáta. Áhugaverð og skemmtileg upplifun á hjólaleið um Geirsnef gerir hjólreiðar að valkosti þeirra sem eiga erindi milli bæjarhluta vestan og norðan Elliðaáa.

Þríhyrndur grunnflötur er teygður uppí þrívítt form, hyrnu. Formið er dregið upp úr miðju flatarins af fjórða horninu. Bitarnir þrír tengjast saman í toppi hyrnunnar og tylla sér á einfaldar undirstöður við árbakkann. Þetta er burðarvirki brúarinnar sem ber lárétt þunnbyggt brúargólfið með stögum. Leitast er við að lágmarka efnisnotkun með því að gefa brúnni stöðugt grunnform, sem jafnframt er sérkenni brúarinnar.

Elliðaárósabrýrnar mynda eina samfellda heild frá eystri bakka að vestari bakka. Brúargólfin eru samtengd með stíg sem sveigist eftir manngerðu landslagi Geirsnefsins og breikkar við áningastaði. Við áningastaði eru bekkir, hjólastandar, upplýsingaskilti, vatnspóstar ofl. Núverandi gönguleið á Geirsnefi er aðlöguð nýjum göngu- og hjólastíg.

Samstarfsaðilar:
Sigurður Ingi Ólafsson, tæknifræðingur hjá Nýbýli
Jenny Osuldsen, landslagsarkitekt hjá Snøhetta 
Magnús Andersen, myndvinnsla
Verkfræðistofa Jóhanns Indriðasonar, hönnun lýsingar og rafkerfa.

Göngu- og hjólabrýrnar hlutu Vörðuna 2014. Varðan er viðurkenning Vegagerðarinnar vegna hönnunar og frágangs vegamannvirkja og er veitt á þriggja ára fresti. Viðurkenninguna fyrir árin 2011-2013 hlutu Dettifossvegur og göngu- og hjólabrýr við Elliðaárvog. 

Umfjöllun í Dezeen magazine, janúar 2016:
http://www.dezeen.com/2016/01/28/teiknistofan-trod-pedestrian-cycle-brid...

Tilnefnd til WAN Infrastructure Awards 2016:
http://www.worldarchitecturenews.com/project/2016/27064/wan-awards/wan-i...

Merkt sem:
2010-2014 Verðlaun